Mapang matongdang tanur asoba temetettsü kar

Ajaki mashisa akümba ya khuret amai agir. Ajisüaka kodang mashisa alidang junga anepalutsü meteta kümdir tepela aser teyongya agi temulung sünga akümtsü. Tetsür ka taküm nung mapang tajungtibaji mashisa mapang lir, saka tanur bena alidang tashi itta aser anema alitsü asoshi anepaluyim kanga junga metettsü nüngdaker.
Tanur benlokli timtem (complications) adoktsü kanga temela aser ibaji ajanga mapang junga matongdang tanur soa timtem talila ajurur. Anungji mashisa kümer mezüng ita ishikabo kanga kümdanga alitsüla.
Mapang matongdang tanur asoba temetettsü kar yamai:-
Menur tanur benlokba: Tain kümer tanur benlokba ajanga mapang matongdang tanur asoba timba ataloker kechiba süra iba mapang tetsü temang nung ‘hormone’ temelenshi aika adoker.
Mapa mapang melentepba: Mapa inyakertem anogoshi/aonungshi mapang balala nung mapa inyakba ajanga mapang matongdang tanur asor kechiba süra iba yimya jagi taküm yimya nung timtem agütsür.
Yi ajemba: Yi ajemba ajanga nusem nung timtem agütsür aser iba jagi tepok nung aliba zülong indang temang shilem inyakyim raksatsür aser mapang matongdang asor.
Teyari maketba chiyungtsü: Teyari peria magütsüba chiyungtsü achiba ajanga tanur nüngdaka nutrients tem mangur aser iba ya ajanga ka mapang matongdang tanur asor.
Shi aser shisatsü nung anibelemba: Tepok nung tanur bena aliba mapang tettsü ka shi nung anibelemba aser shisabuluba ajanga la dak aliba kinü nem titem agütsür aser iba jagi mapang junga matongdang asotsüsa akümer.
(Source- Internet)