Mapang tajung ajak alangzükang kechiyong anogotem tamajung lir

– I. Imdang Ozüküm, Er. Rtd.

Efesa 5:16-17 :- Mapang tajung ajak alangzükang, Kechiyong anogotem tamajung lir. Anungji tamashir tesu,saka Kibuba mulung kechi lir,aji angatetang.
Aseni Tajung inyaktsü ajurudang meinyaki teyutsü. Mapang tajung alangzükang.
Na tenük Junga lir, Lai züngteter Na tenük mejungi kümerbo lai mezüngtettsü dang mapang tajung lai züngang ken lirbo nai aji züngnutsü saka mezüngtettsü, mapangtajung alangzükang sasatsü,
Na shisatakana?O kanga junga jembiteterna? Iba shisa takaji Tsüngrem atema amshiang O tajung jembitetbaji Asen yanglur San nüker tulutiba yaritsü atema nu o tanangji amshiang, na aser tangar tanüla nung ajangzüktsü, mapang tajung alangzükang,
Na tashi tulu na? nu tashi tulu jagi Tsüngrem atema langkabo inyaker as na atema dang inyaker asü? Alima raksatsü nung amshir asü? Nu tashi tuluji kong intoker? Kong amshir? Kunu nu tashi tuluji anentsü, nai kecha meinyaktetba mapang ka arutsü nai sasatsü, tashi tulu dak temulung alemer asü ? tashiji shiba nungi aru? Tashi akadang Shibai asen yanglu pilemtetangmano? Anogotem tamajung lir tashi makai akümba anogo arutsü ta aseni meteta dang lir mapang tajung ajak alangzükang.
Na tetsüng tekara kongsa senzür? Nüngdak makaba nung senzüba tetsüng masütsü kümdangtini? Kechiyong temulungjangi kongi oang ta ashir ajiagi aotsüsa akümer, saka kodang asen tetsüng yirua tokdir kechasia motettsü, asen sending aika liaka temulung kanga shirangtsü, teinyaktsü liaka meinyaktettsü , ajidang masü, tantsür tampur akümtsü, kecha meinysktetba mapangji arutsüsa, na aser ni tetsüng tekara alidang tamajung nung amshiba tetsüng masü tajung nung amshiba tetsüng ka asütsü merangtini? Mapang tajung ajak alangzükang, anogoji majung arutsüsa. Mapangtem majung asen teti aki ama dang malitsü, tangar memenepba mapang arutsü.
Teinyaktsü wadang jenti aseni angur aser aseni inyaktsü koka dang lir, Tsüngremer wadang, alima wadang Nu wadang , pur medemer wadang, aseni inyakteta lir, Saka odang toktsür asü? Aseni inyaktettsü mapa tajung temjibo inyaka tokang sentsü tsür tesu, Kinük nung aseni mapa tajung ji Teyanglur tsüngdangbo senti lir konang atema masü, tenungsang tagi, Mathi 6:3:-Saka nai angati ajungba mapa inyaktir nu teka tajichi agi kechi inyaker aji nu teka tabelen num temetetdaktsü. Oda nai angati ajungbaji temeimdak alitsüsa aser nubui shibai temeimdak nung Pa sasa angur;Pai nu num odia tajangzük agutsütsü.
Nu dang nenok tambur tantsür ajem ajema liang ta ashir asü? Temulung tajum, kechiyong Tsüngrem nükjidong ka na nungi teinyaktsü lir, Temeim tantsür tamburtem nenok, asenok melira tashi tait tepur tajung aiyer asangurtemji parnok akümdong mali,lajanuja , den parnoka yamaji akümtsü ta memetet nenok outeted ta jembir, na tantsür arishi talang nai mapa tajung inyakba agi , aser nai Tsüngrem mulung chidaktsüba agi na , chirnur aser semchir asemben tashi ngua aso pezübuba tashi parnok atema temoatsü meshija alitsü asrshir kümdaktsü, tatem tashi nu teinyaktsüji ya:- Temeim tantsür tambur, na kodak kikümpang nung lir ta tanüla kümzüker kodaklen repranga alima asoshi sarasadema, chirnur semchir chirnur adema sarasadema,amoa aotsü nu mapa suangma, saka Tsüngrem memetetba tetsütebu kar tia maka taküm alidang sowar kümer chirnur semchisemnur umzükdakja shisapuludakja tamachi maksu o jembia masütsü kanga kümdanga Tsüngrem metetba tantsür tambur suangma
Masü tashi Teyanglur atema sodi mali,Lai shiba nung teshimtet küm kecha Tsüngrem mapa inyaktsü shia mali, Mapang tajung alangzüktsü ji pei kija mapa, tilatiba nungi tulutiba tashi mapa tajung inyaktsü tesongtemba ozüng mali, mapang tajung alangzükang, pei tanüla asoshi aser tangar tanüla kümzüktsü asoshi sentsü tsür ka teküm
Christiantem suaka mapa tajung inyakba nung nokdanger itemji Tsüngrem anemer asütsü, Tsüngrem tenzükertem ta suaka , kar danga tenükmerem,aser telemsa mulungsentsü lira pa Tsüngrem anemer asütsü, Tsüngrem tenzüker suaka , Ni paden tuluba ta pilemra pa ochi anema teyak tesang, Kechiyong Yakob 1:26; Nisung kari temulung kelakokdakja(pei sasa temulung kelakokdalja) pei temeli mazüoki pei sasa temeshi ta pilemra ( nu mulung nung na dangar dang temeshi ta pilembaji) iba nisung temeshi yimsu amajok.
Tajung inyaktsü tama iba nung ajak sentaka lir, mapang tamajung talangzük.teinyak, tamajung tejembi.
Mapang tajung alangzükba pur tangatetba nung azünger ajak Tsüngremi moajangma Amen.