Mapang tamajung süitemogo, tang ya mapang tajung

~ Odi Jamir & S. T. Yapang Lkr.

MGNREGA dak sentakba keno osangkaket balala nung March 6, 2019 anogo nungi tenzüka lemsatepa aruogo. Iba keno Tsüngremlar nungi osang aruba ajanga onoki tenzük aser kasa Tsüngremer tetuyuba nung ajemdaker aser item keno tenzükdang nungi shirnoki onok nungita yaria liasü, parnok nungi shisa tajung agia MGNREGA dak sentakba ketdangsürtem den ajurua, tatsü talang ajak jembiteper asen lima tia angateta onoki ya tashi inyak nung junger ta bilemer inyakba ka lemsateper, onok asoshibo tsünglanglen agüja aliba yagi temulung süa repranga atar. Kodang Department-i ibai meinyaklir, tejen ajak bendenloker bushitsü;
1. Tang nungi iba MGNREGA sen yimdaklir nem ishiba agia 60% agütsütsüla,
2. Bank passbook ajak nija mesüra yimden ket nung ayutsü.
Asenoki mapang tamajung ajanga aruogo, tanü mapang tajung ya alangzükang. Taoba mapangtem nung sen aika aru amai sürnung yimdakbo sen ishika dang aita aliba maparen nung VDB secretary-temi senji achiba ama nüburi mebilemdaktsünür, kechibasüra item sen asoshi asenoki ola madoki aruba den asen lima tia agi aji dang liasü, saka “tanü nungi tajungba nung aotsü” ta asübaji asen lima tia angateta alirtemi junger ta agizüktettsü tamang akar.
Nübur dang onoki mepishiba kaji MGNREGA tetuyuba nung aliba ama yim shia iba dak sentakba temetettsütem züluba nung tongtibang ka yamai zülua lir “Yimtsüng nung nütsüng nübur ajaki MGNREGA nungi senotsü indokba meteta alitsü atema lokti senden nung senpong benteta ayutsüji ozüng” anungji tang aruba sen nungibo ner yimer VDB bank AC mesüra nenok nija lapoka aliba AC reprangdanga audit agitsüla, ajimesüra sen aika aruyonga ner yimdak terenlok makatsü, ibai council kija nem shiloka meyutsütsüla, ya general public ajaki metettsü nüngdakba ka lir, kechiyong yimdaklir asoshi iba MGNREGA dang nungi senotsü tajungba arutsüsa lenmang tanga mali.