Mapang tongaka India senso 48 tepouktak nungi mechiok: MEA

New Delhi, September 20 (Agencies): India senso 48 bendang linük tepouktak balala aser deportation Centre balala nung parnok mapang tonger süaka maneni parnok tepouktak lir, aser parnok rongnung nisung 40 bo Bangladesh nung lir, ta Ministry of External Affairs osang ajanga ashi.
Punjab nungi MP, Avinash Rai-i osang meshiba nung ajemdaker External Affairs Ministry-i Rajya Sabha, Assurances Committee dang, “Osang ngutetba ajanga, India senso 48 parnok tepouktak mapang abensaogo aser bendang linük jail aser deportation Centres nungi parnok chiokba maparen tembangtsü atar,” ta ashi.
India senso 48 rongnung Bangladesh nung aliba jail balala nung parnok 40 lir, Myanmar nung pongu, Bahrian deportation centre nung ana aser Malaysia nung ka lir, ta ministry-isa metetdaktsü.
Parnok anir arutsü menoba dak sentakba nung Ministry-i, “Osang kar Indian missions aser ketdangsertem nungi nüngdaker,” ta ashi.
Ministry-isa, item linüktem nung Indian Missions aser ketdangsertemi bendang linük sorkartem dang, tepouktak aser deportation centre balala nung aliba India nungertem tekaraba nung chioktsü atema tongteprateper, ta ashi.

You must be logged in to post a comment Login