MapMyIndia-i eLoc amenogo

February 10, 2017 (Agencies): MapMyIndia-i linük ajunga nung digital address system eLoc amenogo. Iba ajanga neburtem-i address balala melamelaa bushitettsü asoshi osang anugtsü. eLoc nung 6 character alphanumeric code lir, aser India nung address tem dang nungi khenyongi balaka lir.
Neburtemi MapMyIndia website nungi parnoki aginüba tesem indang address code melamela agizüktettsü. Maneni tesem ka atema iba code agizüka alirtemi MapMyIndia website nung iba code inoker, pa onüba tesem indang address tejangja angutsü.
eLoc ajanga logistics aser transportation service balala atema mapa kanga temelaba kümdaktsür, kechiyong iba ajanga India nung address amshiba yim koba kanga tebenja aser talang lir, iba ya mamshitsü asoshi temelaba yim ka agütsür.
MapMyIndia ajanga ano eLoc codes nung shimmer aliba tesem indang noksa aser iba tesem dak sendakba temetettsü osang balala agütsür. Iba ajanga ki, lenmang jila balala, yimtsüngtem, raliwalirtemi semdangba tesemtem, office, shishilembaba tesem balala indang address agütsür.
MapMyIndia-i eLoc governance aser administration nung nungdaka balala atema amshitsü, sentong yangludar. Iba den külemi public aser private sector firm balala den parnoka iba ya amshitsüba lemsateptsü asoshi sentong yangludar. Tang tashi nung
Airtel, Colgate, Flipkart, OLX nunger amala den mapa inyak tenzükogo.