Mar 18 nü AKM ketdangpur menden melenteper

Mokokchung, March 15 (TYO): Ao Kaketshir Mungdang (AKM) ketdangpur menden melentepba sentong ka tan March ita 18 nü nikongdang 1:00 ako nungi tenzüka AKM conference Hall Mokokchung nung ayongzüka lir, ta osang ka ajanga angazüker.
Iba sentong nung AKM Women Coordinator Kr. Easter Imchen menden asütsü, Senior Executive-i tepela o jembitsü. AKM tir Sp. L. Jemti Longchar-i menden toktsüba o jembitsü. AKM Tribunal General Wb. N. Akok Longkumeri menden melentepba mapang agitsü.
Youth Alive Ministry (Mokokchung), Director, Mar Longchar ajanga tasenpur atema temoatsü meshia sarasademtsütsü. AKM tir shimer alisang Sp. Imkongwati Longkumeri menden tasen agizükba o jembitsü aser Ao Milen Committee (AKM) convener Wb. M.B. Longkumeri tajungshi o jembitsü sentong renema lir.