Mar 25 nü Modi-i Assam semdangtsü

Guwahati, March 14 (TYO): March 25, 2016 nü Prime Minister, Narendra Modi-i Assam nung election nüboyim sentong tenzüktsü.
Assam nung April 4 aser 11, anogotem nung shilem ana lemsar assembly election agitsü.
March 25 nü PM Modi-i Assam semdangtsü aser rally pezü nung o jembitsü, ta BJP state unit lennir kati tanü metetdaktsü.
Modi-i Majuli nung BJP-i shimba Chief Minister candidate, Sarbananda Sonowal atema nüboyimtsütsü aser Bokakhat, Karimganj, Gahpur, Bihpuria tesemtem nung lokti sentongtem nung adentsü, ta Assam BJP lennirisa ashi.