Marc Anthony-i Jennifer Lopez tena aliba ki ayoktsü

November 24, 2015: Marc Anthony-i Jennifer Lopez tena 2004 küm kibong kümer külen nungi 2011 küm tashi aliba ki aser tena tanur, tang arishi küm 7 tain, jakrep, Max aser Emme na intetba ki, pa tanaben kibong akümba sülen ayoktsü sentong yangluogo.

Iba ki nung nung mejangba takdang 10, metsü meshidak tesem 8, tzü awadak ka, ken menüngokba takdang ka aser tennis asayadak moapu ka ta lir.

Iba ki ya market nung sen dollar million 9 (£5.6 million) agi ayoktsü latetogo aser reality show ‘Million Dollar Listing New York’ setong yoksang aser real estate agent Ortiz-i, iba ki rangben agi Anthony yimya aser libaliro ajak sayur, ta People.com dang ashi.

“Ki ya kanga tesatem. Iba ki yagi tazüngla aliba nisung ka nüngtugu kümaka pa kechi nungi aru’ar mamatokba jangja sayur,”ta pai ashi.

Anthony 2014 küm Venezuela nungi model, Shannon De Lima den kibong kümogo.