Marc Marquez-i San Marino MotoGP kokogo

San Marino, September 15 (Agencies): Honda telok bike toktepa anishir, Spain nunger Marc Marquez-i alizüng mezüng tonga Misano circuit  nung ayongba San Marino Moto Grand Prix (GP) tetoktepba taoba Deobar nü kokogo.

Marquez-i Yamaha telok bike anishir, Britain nunger Bradley Smith aser külem Honda telok bike anishir, Britain nunger Scott Redding na den tekaraba mapang nung alizüng tonga tan takokbaji angu.

Marquez-i tan takok anguba ya taküm 2015 küm tenzüker tanü tashi nung takok marok 4 buba agizüker lir.

“Tan tetoktepba nung takok angutsü asoshi ozü teloki alizüng ayuba ama asangsang nung ajangzükba atema kanga pelar. Ano, takok marok agütsüdak tanaben nokdaktsü maongka anguba atema pelar,” ta Marquez-i metetdaktsü.

Külem sensopur, Dani Pedrosa-i taoba mapang, 2010 nung takok anguba sülenbo, Marquez ya San Marino nung takok angur mezüngbuba Honda telok bike anishir akümer lir.

Ano külen, championship sempet agizüktsü tarensen nung mezüngbuba jenjang abensang, Yamaha telok bike anishir Valentino Rossi-i tan tetoktepba nung 5 buba jenjang ang anguba osang jangjaogo.