March 11 nü Nagaland Press Association lokti senden ayonger

Dimapur, March 05, 2017 (TYO): Nagaland Press Association (NPA) lokti senden March 11, 2017 nü nikongdang 1:00 ako nungi tenzüka Hotel Saramati, Dimapur nung amentsü, anungji NPA züngsem ajak iba senden nung medema arua adentsü metetdaktsür, ta Deobarnü NPA Tiri sangdong ka ajanga metetdaktsü.
Iba senden nung NPA office ketdangpur tasen shimba election, general welfare aser senotsü osang den külemi NPA dak sentakba onüktem aser Nagaland nung osangbenertem tebilemtsü onüktem nung o lemteptsü, anungji züngsemtemi tebilemba onük bener arua senden nung adentsü mepishia metetdaktsür, ta kasa sangdong nungsa shia lir.