March 21 nü Rajya Sabha elections agitsü

Guwahati, February 26 (Agencies) : Assam nung Rajya Sabha menden ana atema March 21, 2016 nü election agitsü, ta Election Commission-i metetdaktsü.
Kasa anogo nung Tripura aser Nagaland nunga Rajya Sabha menden kaka atema election agitsü.
Assam nungi Rajya Sabha menden 7 lir aser tang menden anaji Congress nungi Pankaj Bora o Nazneen Faraque na lir. Tena kümsük April 2, 2016 nü tembangtsü aser iba jagi March 4 nü election indang notification agütsütsü aser polling anogo nungsa votes azüngtsü.
Yaküm November 26 nü Nagaland nungi Rajya Sabha züngsem Khekiho Zhimoni asüba ajanga menden tazüng aküm aser külen Tripura nung Jharna Das (Baidya) indang kümsük tembangba ajanga election agitsü.
Assam Chief minister Tarun Gogoi-i ashiba agi, menden anaprong nung maneni Congress-i takok angutsü.
Menden ka nung Hailakandi MLA Abdul Muhib Mazumdar yok nung ajungtsü saka candidate tenüngji party-i dang shimtsü, ta Gogoi-isa shisem.
Assam nungi tanüngba Rajya Sabha MP temji – Bhubaneswar Kalita (Congress), Biswajit Daimary (Bodoland People’s Front), Manmohan Singh (Congress), Santiuse Kujur (Congress) aser Sanjay Singh (Congress) nunger lir.