March 31 nü US nung PM Modi-i Nawaz Sharif ajurutsüa akok

New Delhi, March 26 (Agencies): 4buba Nuclear Security Summit nung adentsü atema taruba hopta Ato kilonser, Narendra Modi United States-i aotsü aser iba mapang nung March 31 nü Washington nung pai Pakistan Ato kilonser, Nawaz Sharif  ajurutsüa akok, ta osang angazüker.
Ato kilonser-i linük asem- Belgium, United States aser Saudi Arabia semdangtsü atema March 30 nü apusoa aotsü.
Ato kilonser Modi-i Belgium tama semdangtsü aser yang nungjagi pa Washington DC-i oa March 31 aser April 1 nü 4buba Nuclear Security Summit nung adentsü.
Nuclear Security Summit ya ajanga alima nung nuclear amshia kiralongraba amokmeren azüokteter aser kiralongrartem den tangartemi nuclear osettem aser technology angutsü nokdangtsü atema rongtak meratem agir.
Pa iba senden nung adenba sülen pai April 2 aser 3 nü Saudi Arabia linük semdangtsü sentong lir.