March 7 nungi 20 nü tashi India-Nepal joint military exercise agitsü

Pithoragarh (Uttarakhand), March 01 (Agencies): March 7, 2017 nü nungi tenzüka Pithoragarh (Uttarakhand), nung India aser Nepal na külemi joint military exercises agitsü, ta Army otongdar kati metetdaktsü.
Iba exercise nung Nepal aser India linük shia nungi army 350-i shilem agitsü, ta Army’s Panchshul Brigade otongdar, kati ashi.
“Srya Kiran 11 kübok tongtibangba omenji, tenemlen telungpurtem anema raraba counter insurgency operations exercise asutsü, kechiyong Nepal lushi timbaka tenemtem lir aser item ama tenemji India atema tanga kidanger linüktem den arrtsü asoshi kanga tongtibang lir,” ta ketdangserisa metetdaktsü.
Indian Army, Panchshul Brigade-i ayongba exercise ji Brigadier, M K Katiyar-i lapoktsütsü aser exercise tatembang sentong nung army anaprong nungi Major General anati shilem agitsü, ta paisa shisem.
Nepal Army nungi sepaitemji March 6 nü India tonga arutsü aser March 21 nü aotsü, ta paisa metetdaktsü.