March ita tashi Honibar ka danga sodi masütsü

Dimapur, February 24 (TYO) : February 25, 2017 nungi tenzüker March, 2017 tashi Honibar ajak sorkar mapa inyakertem asoshi mapa inyakba anogotem asütsü, ta Nagaland sorkari metetdaktsüogo.
Financial Year tembangtsü dak sendakba aser lungkak aitba sentong ajanga anogo aika mapa meinyaktetba atema Nagaland nung aliba sorkar office ajak Honibarnü lapoktsü, ta sorkar sangdong ka nung metetdaktsü.