Maria Sharapova nem French Open 2017 atema Wildcard magütsü

Paris, May 16 (Agencies): French Open anaben tashi koka alila, Maria Sharapova-i taküm iba asayamong nung shilem agitsü asoshi ‘Wildcard’ magütsü.
Taoba küm Australian Open asayaba mapang lai temolungjang mozü, meldonium achiba putetba sülen ita 15 asaya nung shilem magitsü nokdangba sülen tang jenjang 211 nung alila, arishi küm 30 tain, Sharapova nem French Tennis Federation (FFT) ajanga ‘wildcard’ agüja French Open 2017 nung asayadaktsütsü südi, ta bilema liasü.
Rome nung lai Italian Open tanabuba round asayatsü mapang tatsüka lia iba telemtetba ya FFT ajanga Facebook mLive nung metetdaktsü.
Stuttgart, Madrid aser Rome nung asayadaktsütsü asoshi iba asayamong ayongertemi la nem ‘wildcard’ agütsüba asoshi asayar aikati aitsüogo.
Grand Slam ponguben tashi bena alila, Sharapova-i Wimbledon nung asayatsü asoshi tang tasayadak aliba Italian Open nung lai semi-final bo tongtettsüla.