Mariah Carey-i lar kenten sentong nung Prince tushir

Paris, April 22 (Agencies): Nüngtugu kentener, Mariah Carey-i Paris nung ayong agiba kenten sentong nung asür kentener mongin, Prince nem tetushi agütsüogo.

Paris kübok Accor Hotels Arena nung agiba sentong nung shilem agir ajungai mapang tatsüka ola madoki aküm agütsütsü mepishiba den külemi, Mariah-i ‘One Sweet Day’ Prince nüngtem nung tena pa nem aküm agüja liasü.

Prince arishi küm 57 tain lia, yashi, Brehostibar nü asüba osang jangjaogo.

“Tanü ya temulung shirangtsü anogo ka lir. Ajisüaka, Prince-i pai taküm alidang kententsü sabang atema kechisarena tajung inyaktsü asenoki teti bilemtettsü,” ta Mariah-ia sangoktsü.

“Sempet aketer mongin aser tembar. Alimai na menungratsü aser ni na kodanga mamatettsü,” ta Prince asüba osang angazükba sülen Mariah-i Twitter ajanga lemsatepa liasü.