Mariah Carey-i Montana aser Justin Bieber den inyaksemer

August 02, 2015: Kentener Mariah Carey, French Montana aser Justin Bieber nunger indang ken tasen ka tang record tesüdak lir.
Mariah-i French Montana aser Justin Bieber na den külemi inyaksemba osangji Hokolbar nü (July 31, 2015) tena den tangokba Instagram noksa ka ajanga sandongogo.
Iba noksa nungji lai “#comingsoon,” ta zülua liasü.
tmz.com osang ajanga ashiba agi, iba noksaji Brihostibar aonung Hollywood studio ka tangok, kong Carey aser Montana na producer Eric Hudson den külemi ken ka record südar. Tesülen Bieber arua Carey dang, pai la kanga sapur, ta ashi.
Iba sülen Mariah-i ken tasenbaji pa nem tentsü, aser iba kenji Beiber-i kanga meimadok. Anungji la booth telungi ia tejaoker ka ama ken nungji shilem kar agi, aser ibaji ken tasenba final version nung adoktsü, ta aceshowbiz.com. osang ajanga ashi.
Carey-i Bieber den külemi kenrecord asüba ya tang mezüng masü, tamalen-a tenati “All I want for Christmas is you” ken tena lir.