July 21, 2015: Deborah Cooper-i 1990 meta Mariah Carey ken atenba sentong nung ken atentsü nung yaria liasü saka la ajungbena temang ajema akümba ajanga doctor kanga shisa buludaktsü.
La temesen nung tumor tulu ka aliba putetba sülen, la cancer tashidak lir, ta doctor temi jangja puteta liasü.
“Parnoki ni asoshi kecha mesütet aser ni temesen melentsü nüngdaka liasü. Parnoki ni kidang asütsü asoshi yok,” ta Entertainment Tonight ajanga Cooper-i ashi.
Cooper-i tesüsa temesen melentsü mulungtet aser lar medemer kaket zülur, James Hester-i tuyuba nung, ibaji masü saka tanga treatment ang ka agitsü sentong melenshi.
La detox nung anogo 30 nü amungtsü asoshi sen peria maliasü asünungji la tesüsa Mariah Carey den inyaker ka den tongtepratep.
Iba osang angashili Carey-i Cooper nem kara- kara US sen 25,000 yok. Cooper-i, iba senji ajanga la temang nung temelenshi tulu angu, ta jangja-jangja metetdaktsü.
Cooper-isa, “Mariah Carey-i kü taküm kümzük…. la kanga dang nüngtugu, tangar kübok maliba nisung ka asüyonga la mulungsentsü kanga junger aser kanga tagütsünü,” ta ashi.
Mariah-i Deborah Cooper cancer asoshi sen tenla added by asungba on
View all posts by asungba →
You must be logged in to post a comment Login