Mariah tetonga reality TV show nung agutsü

Los Angeles, April 03, 2016 : Kentener Mariah Carey kibong akümtsü asoshi aniasüngteper alisanga la indang reality TV show nung angutsü.
Iba osang lemsatepba mapang Carey-i, la tetong, billionaire businessman James Packer-i camera jakdang amentsü mulunga lir, ta ashiba reports tmz.com ajanga metetdaktsü.
Packer-i tamalen khen iba ama sentong nung joko madentsü ta shia lir, ajisüaka Carey-i, pai kü indang sentong nung dener, ta shiogo.
“Kütong James Packer-i tang ni Denmark nung lia arua ajurutepogo aser pai kü sentong nung adentsü mulunga lir,” ta lai ashi.
Arishi küm 45 tain, Carey ya “Mariah’s World” episode ti, nung shilem agitsüba lir. “Mariah’s World” documentary ajanga la alima sema kentena jajabatem aser Packer tena kibong akümtsü indang otsü temai adoka sayutsü.
“Ni sapurtem aser tembartem kü taküm nung anioktsüsa maongka anguba atema ni kanga pelar. Iba documentary ajanga tang yongi kanga pelatepdar aser ni nenoka jangra atemtsü imlar,” ta Carey-i ashi.
Iba documentary atema Mariah ‘Sweet Sweet Fantasy’ tour US, Europe aser Africa linük tem nung jajaba aser la kibong akümtsü atema sentong renembatem tangoktsü.