Mariani-Mokokchung lenmang lapokogo

Dimapur, December 9 (TYO): November 15, 2020 nungi Mariani-Mokokchung lenmang mokdanga aruba tanü nikongdang lapokogo.
“Mariani nung mokdangertemi Bodbar nikongdang mokdang agienogo ta Jorhat Deputy Commissioner-i kü dang ashi” ta Mokokchung Deputy Commissioner-i metetdaktsü.
“Iba ama tensa ka nung Tsürangkong aser Mokokchung district nung alirtem kanga dang shisa kaa aser aremzüka ataba atema ni kanga dang pelaba metetdaktsür aser tenüngsang agütsür” ta Mokokchung DC-isa ashi.
“Tarutsü nung iba arrtsü tebilemtsü angatetteptsü atema asenoki Tsüngrem dang nungi maneni tangatetba shisatsü meshidi aser asenoki tanga amai shisa kaa lidi” ta paisa ayongzük.