Mariani-Mokokchung lenmang noktanger

Dimapur, March 4 (TYO) : Assam nung mulungtet telok balalai March 5, 2016 anepdang 6:00 ako nungi mapang telatet makai lenmang noktanga lungkak aittsü ayongzükogo.
Iba sentong ayongzükba ajanga senzüsenbongertemi New Sonowal adena Marani nungi Mokokchung tashi mesenzütsü metetdaktsür, ta ADC Mangkolemba, Imtiwapang Aier-i sangdong ka nung metetdaktsü.
Taoba hopta Border Road Organisation (BRO)-i iba tesem nung gari lenmang yanglutsü atema nangzük saka parnoki mapa küma meinyakba anema mulungtet teloktemi lungkak aitba sentong ayongzüker, ta ADC Mangkolemba-isa metetdaktsü.