Marin-i Saina Nehwal tsükdaktsüogo

Aenjeti/January 19, 2019 (Agencies): Honibarnü Malaysia Masters tetsür kija asaya semifinal nung Olympic aser world champion Spain tsür Carolina Marin-i Saina Nehwal tsükdaktsüogo.
Arishi küm 28 tain Saina-i iba asayamung ya 2017 küm kokogo aser 2011 küm tanabuba jenjang nung tembanga liasü. Taküm iba asayamung semifinal nung la Marin-i 16-21, 13-21 agi ayong ayonga koka liasü.
Iba asaya masü tsüngda asayar anaprongla yagi tena tsüngda asaya pongungu koker liasü. Saina-i mezüngbuba asaya kanga junga tenzük aser 5-2 agi la tejakdang liasü saka iba sülen Marin-i point tenet atonga angu aser break tashi nungbo la 11-9 agi tejakdang aküm.
Spain tsür la yagi ano point ana atonga angu aser point 13-9 aküm, saka Saina-i kanga junga asayaa point 14-14 aküm. Iba sülen Marin-i point trok nguteta game points atong aser asaya akok.
Tanabuba game nung Marin-i asaya amokbanger asaya aser 6-1 agi la tejakdang aküm aser lai maneni kanga junga asayaa break tashi nung point 11-6 liasü.
Saina-i kanga meranga asayadang saka Marin teti la tejakdang liasü aser lai asaya ayong ayonga akok.