Marina Kiho-i Miss Nagaland 2017 takok angu

December 8, 2017 nü Miss Nagaland 2017, Marina Kiho (tiyongtsü) den tanabuba jenjang angur Ruopfuzhano Whiso  (abelen) aser tasembuba jenjang angur Ruopfuzhano Whiso  nunger külemi agiba noksa angur.

Kohima, December 8 (TYO): Dimapur district nungi Marina Kiho-i Miss Nagaland 2017 takok korang nguogo.
Tanü Regional Centre for Excellence in Music and Performing Arts, Jotsoma nung Beauty and Aesthetic Society of Nagaland (BASN)-i ayongzüka agiba sentong nung Miss Nagaland 2016 Vilokali Zhimomi-i Marina Kiho nem korang semoktsü.
Taküm Miss Nagaland tetoktepba nung Kohima district nungi Ruopfuzhano Whiso-i tanabuba jenjang aser Phek district nungi Pewe-ü Tunyie-i tasembuba jenjang takoktem angu.
Tanü final round nung Marina dang lai Miss Nagaland takok korang angu nungbo State Election Icon ka ama koma shilem agitsü ta asüngdang aser idangji lai “election nung vote agütsütsü atema süpokrem memeshitsü, tim candidate nem vote agütsütsü aser vote ka dang agütsütsü atema ni osang prokshitsü” ta langzü.
Miss Nagaland takok korang anguba den külemi Marina-isa BBlunt Beautiful Hair takok angu.
Tanga Sub-Title angurtem:
Miss Photogenic – Sanglitola M Chang (Tuensang district)
Miss Perfect 10 – Pelevinuo Rupreo (Kohima district)
Miss Talent – Sanglitola M Chang (Tuensang district)
Queen of Hearts – Pewe-ü Tunyie (Phek district)
Miss Empower 2017 – Ruopfuzhano Whiso (Kohima district)