Maruti-i Sept. ita parnok gari shilem 3.7 agi tali yoktetogo

New Delhi, October 1 (Agencies): India nung gari yanglur rongnung tulutiba, Maruti Suzuki India-i, taküm September ita nung parnoki yangluba gari 1,13,759 yoka yaküm kasa ita nung gari 1,09,742 ayokba ajateta, noklang nung shilem 3.7 agi tan timba yoktetogo, ta Brihostibar nü metetdaktsü.

India kija nung September, 2014 küm gari 99,290 ayokba taküm kasa ita nung parnok gari 1,06,083 yoktetba ajanga, noklang nung shilem 6.8 agi taküm timba yoktetogo, ta Maruti Suzuki India (MSI) sangdong ka ajanga metetdaktsü.

Kasa ita nung gari tila Alto aser WagonR garitem taküm tera agi dang timba yokteta liasü. (Yaküm 35,547 aser taküm 35,570)

Company-isa ashiba agi, Swift, Estilo, Ritz aser Dzire garitem noklang nung shilem 3.5 agi tali yoktetogo. Item garitem ya yaküm 43,304 ayok saka takümbo 44,826 yoktetogo.

MSI-i, sedan Dzire Tour gari ya yaküm dang nungi taküm anasü agi tali yoktetogo. Yaküm September ita nung iba gari 1,221 ayok saka tanbo 3,229 tashi yokteta liasü. Ano Yaküm October ita nung sayaba mid-sized sedan Ciaz gari-a 4,291 yoktet. Company-isa yaküm September ita nung SX4 sedan 1,375 yoktetogo, saka taküm September ita nung premium sedan Kizashi garibo ka danga meyoktet, ta ashi.

Tan tasen sayaba ‘premium crossover S-Cross’ gari-a taküm September ita kija nung 3,600 tashi yoktetogo, ta sangdong ajangasa ashi.

Iba den külemi Gypsy, Grand Vitara aser Ertiga garitem noklang nung shilem 5.9 agi timba yoktetogo. Taküm September nung item gari 6,331 tashi yokteta yaküm kasa ita nung 5,980 ayokba ajatetogo.

Van — Omni aser Eeco garitem yaküm dang nungi taküm tera agi tajemba ayok. Yaküm September ita nung item gari 11,863 yokteta liasü saka takümbo kasa ita nung 11,836 ang yoktet.

Bendang lima len belenshia ayokba nung taküm noklang nung shilem 26.6 agi tajemba yoktet. Yakümbo September ita nung gari 10,452 ayok saka taküm kasa ita nung 7,676 ang yokteta liasü, kechiba süra taküm September ita nung gari 3,500 yoktsü meno, ta MSI-i ashi.