Maruti Suzuki Alto Special Edition sayaogo

Hyderabad, September 24 (Agencies) : Maruti Suzuki-i Alto special edition sayaogo. “MS Dhoni – The Untold Story” film yanglurtem den tesentaktep aliba temaitsü Alto (Lxi) aser Alto K10 (Lxi aser Vxi) garitem telung aser tema nung custom design keter angutsü. Item gari ya October ita tetenzüklen nungi talitsü angutsü.
Alto 800 gari nung sobutsü inokba kija nung sen 16,777 aser Alto K10 nung sen 12,777 adoktsü.
Iba sen jagi aliba osettem nungji MS Dhoni indang sign keta alitsü aser iba den külemi bar graph display, parking sensors, speakers, MP3, AUX aser USB amshitetba single-DIN radio dena angutsü. Ano steering wheel cover, spoiler, door sill guard aser nüngdakba oset kar dena angutsü. Tan sayaba gari telung nung sentsü tapu ana angutsü-tanak den silver aser temerem den anüng sentsü.
Iba den külemi Maruti Suzuki atema social media nung ‘#DrivenbyPassion’ ta ser  promotional sentong ka lir. Facebook aser Twitter amshirtemi iba sentong nung shilem agia M.S. Dhoni aser iba film nung shilem agirtem den ajuruteptsü maongka ngutettsü.
Maruti-i item gari ya Dhoni sapurtem nem parnok garitem nung pa ali ama bilemba shisatsü arudaktsütsü atema sayarba lir.
Alto 800 ya ex-showroom, Delhi jenjang nung, tang sen lakh 2.49 aser lakh 3.76 tsüngda agi aser Alto K10 ya sen lakh 3.29 aser sen lakh 4.15 tsüngda agi ayoktsü.