Maruti Suzuki Baleno July nung timba ayok, jenjang tanabuba nung lir

August 07, 2017 (Agencies): Maruti Suzuki Baleno jenjang pongububa nung liasü saka July 2017 nung iba gari 19,153 yokteta jenjang asembuba tongtet aser ita ka nung Baleno gari ayokba nung July ita nung timtiba yoktet. June ita nung Maruti Suzuki ajanga Baleno gari 9057 ayok. India nung GST amshi tenzükba ajanga iba gari ayokba nung tetsükdaktsü tali ajuru.
Maruti Suzuki indang garitem ayokba nung July 2017 nung timtiba yoktet. Iba ita nung Maruti Suzuki indang gari lakh 1.65 yokteta shilem 20 renlok. Iba company garitem rongnung ‘compact segment’ ya 63,116 yokteta shilem 25 renlok. Kasa gari ya July 2016 nung unit 50,362 yokteta liasü. Iba segment nung garitemji Swift, Dezire aser Baleno ta lir. July 2017 nung ayokba temaba jenjang 10 nung 7 bo Maruti Suzuki indang lir. Baleno gari ya tapu 12 den engine asem aser transmission ana den totzü option ana nung angur aser iba gari ya sen lakh 5.26 nungi lakh 8.43 tsüngda nung angur.
Petrol atsükba Baleno ya 1.2-litre K-Series VVT engine aser iba gari ajanga 83bhp aser 115Nm torque agütsür. Iba gari indang engine ya five-speed manual mesüra CVT automatic transmission nung shimtettsü akoktsü. Diesel engine ya Swift indang 1.3-litre multijet aser iba ajanga 75bhp aser 190Nm torque agütsür.
Maruti Suzuki Baleno ya Dzire, Hyundai Xcent, Tata Tigor, Ford Aspire aser Volkswagen Ameo amala garitem den tokteptsü.