Maruti Suzuki Baleno RS India nung sayatsü

February 10, 2017 (Agencies): Maruti Suzuki-i ‘hatchback’ Baleno RS 2016 Delhi Auto Expo nung mezüng sayaba sülen iba gari adoktsü yongya ataogo. Taoba ita Maruti Suzuki Ignis sayaba sülen March 3 nü Baleno RS sayatsü asoshi company-i renemshidar.
Iba gari telunglen aser temalen terabo melenshitsü akok, saka gari nung temelenshi tulutibaji 1.0-litre 30 cylinder BoosterJet petrol engine asütsü. Tang teyokdak aliba Baleno gari dang nungi iba gari cubic capacity tsütsü tilaba asütsü saka tashibo tuluba asütsü. Iba engine ajanga tashi 112 PS aser 175 Nm agütsütsü. Maneni engine ya 5-speed manual transmission den sendakteper adoktsü imlar.
‘RS’ nüngja agütsüba yabo tasen masü kechiyong company-i Swift-a ka RS version nung sayaogo.
Baleno RS company indang ‘Manesar plant’ nung yanglutsü aser Nexa ajanga ayoktsü.
Maruti Suzuki Baleno RS sayaba sülen Volkswagen Polo GT TSI aser Fiat Punto Abarth garitem den tokteptsü, anungji sen jenjang lakh 8 nungi 10 tsüngda nung asütsü imlar.