Maruti Suzuki-i Baleno Alpha CVT sayaogo

July 22, 2017 (Agencies): Maruti Suzuki company ajanga automatic car yangluba atsülanga nüngtugu Baleno premium hatchback gari Alpha variant nung CVT gearbox inoka yangluogo. CVT gearbox ya Delta aser Zeta variant nungbo ngua liasü aser tang Alpha variant nunga inokogo. Maruti Suzuki company ya India nung automatic gearbox yangluba company tem rongnung temaba jenjang nung lir aser iba nung AMT aser CVT naprongla dena lir.
Iba gari amenokba ajanga India nung Automatic Baleno gari alinertem nem hi-end feature tem; Smartphone Linkage Display Audio koba Apple CarPlay den külemi inyaker aser MirrorLink nunger amala angutsü. CVT Alpha variant ya sen 834,052/- (ex-showroom Delhi) agi angutsü.
2015 October ita iba gari sayaba sülen Maruti Suzuki pur-i tang tashi nung Baleno gari 200,000 yokogo aser iba ajanga hatchback gari ayokba nung parnok temaba jenjang nung lir. Baleno gari ya küm ka majungdang parnoki 100,000 ayok aser iba ajanga India nung hatchback gari ayokba nung otsü tasen ka yangluogo.
Baleno ya NEXA dealerships ajanga ayoker. Baleno amala garitem rongnung iba gari nung mezüngbuba Apple Car Play, gari anishir nem tekümzükba agütsütsü asoshi dual airbags aser ABS den EBD aser sporty Baleno RS version ka angutsü.
Baleno ya linük 100 dak temai bener oa ayoker aser sorkar “Make in India” mission kübok Maruti Suzuki India ajanga iba gari mezüngbuba Japan-i export asür. Tang tashi nung Baleno gari 68,000 export süogo aser item rongnung Japan, Australia, New Zealand aser Europe o Latin America den linük aikati densema lir.
FY 2014-15 tsüngda Maruti Suzuki two pedal technology shilem 6 aliba 2016-17 nungbo shilem 11 kümogo. Maruti pur-i pedal ana aketba garitem 2020 tashi nungbo 300,000 ayoktsü asoshi nükjidong lir.