Maruti Suzuki-i Ignis gari atema online booking tenzükogo

New Delhi, January 4 (Agencies) : India nung gari yangluba company tulutiba Maruti Suzuki India (MSI)-i Bodbar nungi ‘Ignis’ gari indang online booking tenzükogo. Iba gari ya taruba hopta sayatsü sentong lir.
“India nung passenger vehicle yanglur tulutibaji #IGNIS atema online booking lapoktsür, iba urban compact vehicle ya ajak asoshi lir” ta Maruti Suzuki India-i sangdong ka nung metetdaktsü.
January 13, 2017 nü EDM concert nung iba gari sayatsü aser iba sentong nung Swedish DJ, record producer & remixer, Axwell-ia shilem agitsü.
Maruti Suzuki Nexa indang website nung tan mezüngbuba atema online booking lapoktsür, ta MSI sangdong nungsa shia lir.
Iba model tasenba ya MSI indang Nexa premium outlets ajanga ayoktsü aser talinürtemi sen 11,000 agütsür gariji meka ayutsü akok.
Ignis gari ya 1.2 litre petrol aser 1.3 litre diesel engine tapu ana nung angutsü aser gari anaprong nung ‘automatic gearshift option’ lir.
India nung MSI-i yimti 115 jungnüa nung Nexa outlets 197 tashi lapoka lir aser item outlet nung Baleno aser S-Cross models ayoker.
Ignis gari ya MSI indang Gurugram (taoba mapang Gurgaon) plant nung yanglutsü.