Maruti Suzuki Super Carry LCV meyipa agir

Mongputeni/October 3, 2018 (Agencies): Linük nung gari yangluba company tulutiba Maruti Suzuki India (MSI)-i sangdong ka ajanga parnok indang gari light commercial vehicle Super Carry linük nung ayokba gari 640 fuel pump supply dak sendakba nung timtem alitsü ta bilema reprangshir yanglutsütsü asoshi meyiba agitsü metetdaktsüogo.
Aenjeti/Jan 20 nungi Chiteni/July 12, 2018 tsüngda yangluba Super Carry tem meyipa agitsü, ta MSI-i kasa sangdong nung metetdaktsü.
Mongputeni/Oct 3 nungi tenzüka recall campaign nung densema aliba gari kiburtem den Maruti Suzuki dealers temi tongteprateptsü aser gari asadanga parts meshidak aliba tem angati agi melentsütsü.
MSI-i Super Carry ya parnok indang Gurugram facility nungi belenshi.
Company-i 2017-18 tsüngda light commercial vehicle (LCV) unit 10,000 shi yokogo. Kasa mapang nung MSI LCV business atema commercial sales channel tasen ka amenokogo.
Domestic market dak alia company-i Super Carry ya South Africa, Sri Lanka, the Philippines, Nepal aser Bangladesh-i yok tenzükogo.