Mary Kom Asian Olympic qualifiers quarterfinal-i iogo

Qian’an, March 27 (Agencies): India’er tetsür tsüngteper, M C Mary Kom aser L Sarita Devi nati takok ngua tang tasayadak Asian Olympic Qualifying Tournament quarterfinal asayatsü jenjang ajangzükogo.
Taoba mapang world champion akümtsü jenjang 5 ben tashi angula, temang touzük seret 51 taret, Kom-i points 2-1 ngua Kazakhstan tsür, Nazym Kyzaibay tsükdaktsü.
Ano, taoba Asian champion,  temang touzük seret 60 taret Devi-ia Japan tsür, Tomoko Kugimiya madak takok ngua quarterfinal asayatsü jenjang angu.
India nunger Vikas Krishan aser Satish Kumar nati tamakok ajuru saka Dheeraj-i tebur temang touzük seret 60 taret shilem nung Thailand nunger Pachanya Longchin akokba osang jangjaogo.
Tan asayamong nung alima linük 30 shi nungi tsüngteper 226 tashi Rio Olympics nung shilem agitsü jenjang angutsü asoshi toktepa tsüngtepba osang jangjaogo.