‘Mary Kom’ film ama ano aika yanglutsüla:Suniel Shetty

October 10, 2015: Actor Suniel Shetty-i “Mary Kom” film ama ano taküm otsü shitakba nung ajemdaker film aika yanglutsüla ta bilemer, kechiba süra saisapong tsütsü kang dang nüngtugu nisung aika asen linük nung lir.
Suniel-i, “Bollywood-i ‘Mary Kom’ film mesüka linük nung aliba saisapong nung nüngtugutem taküm otsü nung ajemdaker film yanglutsüla ta bilemer,” ta Omung Kumar tasoba benjung amungdang ashi.
India nung film yanglurtemi tang ya saisapong nung nüngtugu nisungtem taküm otsü nung kanga temulung agütsüdar. Tsüngteper Mary Kom, asemteper Milkha Singh, aser athlete Paan Singh Tomar nunger sülen tang ano cricket asayar Mahendra Singh Dhoni aser hockey asayar Dhyan Chand nunger indang film yanglutsü tenzükdar.
“Mary Kom” director Omung Kumar ya tang Sarabjit Singh taküm otsü nung film yanglutsü asoshi mapa teinyakdak lir aser iba film Punjab nung December ita nungi tenzüka tangoktsü sentong lir.
Iba film nung actor Randeep Hooda-i Sarabjit ama shilem agitsü, shiba Pakistan tepuokdak lia asü aser Aishwarya Rai Bachchan-i Sarabjit aianu, Dalbir Kaur ama shilem agitsü.