Mary Kom nem ‘Legends Award’ agütsütsü: AIBA

New Delhi, November 25 (Agencies): India’er nungtugu tetsür tsüngteper, M C Mary Kom nem taruba December ita 30 nü ‘Legends Award’ agütsütsü renemba osang ka International Boxing Association (AIBA)-i tanü, Hokolbar nü metetdaktsüogo.
AIBA tenteter küm 70 tain akümba bilemtetba sentong nung Kom nem iba nungtugu sempetji agütsütsü renema lir.
“‘Legends Award’ agütsütsü asoshi ni shimba atema AIBA Tir aser pai aniba AIBA lenirtem dang pelaba lemsateper. Kü nem iba nungtugu sempet agütsüba ajanga India linük ajunga nung lanurtem tsüngteptsü sabang nung toktepa shilem agitsü ajungmesotsü,” ta India’er Rajya Sabha MP menden abenla, Kom-i la nem sempet agütsütsü renemba osang angazükba sülen metetdaktsü.
Taküm 2016 küm tetenzüklen ayonga agiba World Championships nung AIBA brand ambassador inyaktsü atema Asian champion akümtsü jenjang aiben ngua alila, Kom shima liasü.