Mary Kom Olympic Test nung tamakok angu

New Delhi, December 06 (Agencies): International Boxing Association (AIBA)-i Rio de Janeiro nung ayongba ‘Olympic Test’ nung ponguben tashi world champion, MC Mary Kom-i tia makai semi-final nung tamakok anguba ajanga bronze medal ang angu.
London Olympic nung bronze medal angur, Mary-i United States nungi Virginia Fuchs den points asadangtepba nung tamakok angu.
La küm ka dak tema shi lir külen tan mezüng tsüngteperba lir. Yaküm Incheon Asian Games nung gold medal anguba sülen la tapu yiruba ajanga timtema liasü.
Tebur tarensen nunga India nunger pezü semifinal nung tamakok anguba ajanga India nungi ka danga final metongtet.
Commonwealth Games nung gold medal angusang Manoj Kumar-i (64kg) Britain nunger Samuel Maxwell makok, World Championships mapang quarter-final atongsang Satish Kumar-i (+91kg) Britain nunger Frazer Clarke makok, Parveen Kumar (91kg) Brazil nunger Gidelson De Oliveira-i akok aser Shyam Kakara-i (51kg) Uzbekistan nunger Hasanboy Dusmatov madak tamakok angu.