Masala entertainer ka nung shilem aginer: Rajkummar Rao

Tsüklai/February 02 (Agencies): Film industry nung sempet tajung keta alir actor rongnung Rajkummar Rao ka asütsü. Drama mesüra comedy süshia, Rao-i tebendang kecha meli shilem agiba ajanga audience aser critics tem atsüa arur.
Tawa sayaba film, ‘Ek Ladki Ko Dekha Toh Aisa Laga’ kong pai (Rao) tongti shilem agir, iba film ya homosexuality indang ka asütsü aser tan-a Rajkummar-i shilem tajung agiba ngua pa nem tenüngsang agütsüogo.
Interview ka nung pa dang tang ama content-driven film tem nung shilem agiyonga aotsü asüng masala entertainer agi melentsü ta asüngdangba mapang, Rao-i, masala film nung shilem agitsü tejangra aliba lemsatepa liasü.
Taoba küm Ranveer Singh aser Sara Ali Khan na indang takok tulu anguba film -‘Simmba’ den medemdanga Raj-i, masala entertainer ama shilem agiba dak alaka film ji tatishitsü tulu aketba indang otsü ka asütsüla ta ashi.