Mass Social Work atema Home Commissioner-i metetdaktsür

Dimapur, Rongchii 19 (TYO): State tesem ajunga nung Rongchii (April) 21, 2018 nü Mass Social Work alitsü atema sangdongba dak ajemdaker Home Commissioner, Abhishek Singh, IAS-i mapalem kar metetdaktsü.
1. District/Sub-Division/Circle Headquarter tem nung yimkong nübutsük atema District Administration ajanga achayangtsü. Sorkar mapa inyaker ajak pei tata tesem nung shilem agitsü.
2. Culverts/Kilentzü aoba lenmang/tzü atsüngdena aliba/yimdong/office compound tem meriktettsü asoshi local authority temi sentong yanglutsü.
3. Kohima nung aliba office tem meriktsü asoshi item office nung inyakertemi achayanga inyaktsü.
4. Secretariat Officer aser staff temi Social Work ya anepdang 9:00 ako nungi anüngdang 12:00 ako tashi inyaktsü aser parnoki office takdang/corridor/metsü meshiba tesem/ office telongzük meriktettsü aser iba atema pei branch nung ketdangsertemi achayangtsü aser staff attendance reprangtsü.
(a) Office takdang tem dak alaka road divider temeket nungi tenzüka Gate 1 & 2 aser parking area tashi NSSA aser NCSA ajanga achayangtsü.
(b) Driver tem canteen tezülen aliba metsü meshiba tesem ajunga NCCD ajanga par staff yoka merikdaktsütsü.