Master Shield: Skylark o Clipper na tanü final asayatsü

Mokokchung, February 01 (TYO): Skylark aser Clipper telok nati pei pei semifinal asaya nung tanü, Hombar nü takok ngua tang tasayadak 1 buba Master Shield Twenty20 (T20) Cricket asayamong final asayatsü jenjang nguogo.
Tanü mezüngbuba semifinal asaya nung Skylark teloki wicket 2 agi Vincent telok tsükdaktsü.
Tanü asaya nung runs 32 tashi yanglusang, Nirbin Man of the Match shim.
Clippers telokia runs 22 agi Ao Kings telok tanabuba semifinal asaya nung akok.
Tanabuba semifinal asaya nung runs 41 yanglusang, Yangzamong Man of the Match shima liasü.
Skylark aser Clippers telok na tsüngda final asaya asüng, Mongolbar anepdang 11:00 ako nungi tenzüka Mokokchung kübok Imkongmeren Sports Complex nung asayatsü.
Asayamong shibangba sentong nung tongti tesemdanger asütsü asoshi Mokokchung DSP (R), DEF Mokokchung, Lipoktemsü jaoka lir.