MATHI 12:46-50 : ASENOK TEINYAKTSÜ KHURET

Tamajung inyaktsü atema nai telok teimba sülen tanidak.

Anitet 23:2

Iba tapu tekong jagi asenok jakla tsütsü teinyaktsü khuret lir ta sayur. Meimchir ka ama asenok tazüngla ka nung malir. Na aser ni telok nung aliba shiruru ka lir, telok ka meyong lir – kibong, arogo, lokti tentet, kin, meimchir kibong. Iba jagi kechiba asenok telok den aotsüla ta sayur.

Telok anidakbaji teti temenen ta Tsüngremi mashir. Saka Pai ashir, “tai inyaktsü” telok sülen aobaji temenen ta ashir. Tia maka teloki tai inyaktsüba lenmang jagiang anir mesüra teyur.

Kodang asenoki tamajung inyaktsü telok sülen anidaker, asenoki asensasa ashir, “tai inyakbaji”  “temenen masü”. Aseni aibelenbaji telok nem tongtsür. Asenoki ashir, aikati iba ama inyaker, taiji shitak kümtsür, mesüra shitak mesüra kecha masü ta toktsür.

Tsüngremi yamaji mebilemer, aser iba kuli asoshi asenoki Tsüngrem tenüng sangdi, kechiaser asenok kija shia teinyaktsü khuret lir, Pai Yisu asenok asoshi yok. Iba jagi Pa O temeshi Baptiba aser Kibuba Benjung kija shia nem tekümtet tejangja aser tatok agütsüba temaitsü agütsü. Ano kechiba ajia Pai kija shia nem kümzükba sempet, Khrista nung kija tamangji agütsü?

Asenok kija shia teinyaktsü tebilemtsü lir, Tsüngrem, taküm nung teinyaktsü tebilemtsü den ajuruteptsü aser, “Ni Yisu kü Kibur ta amangtsü ta nangzüktsü yariang.” Pa tenüng nung, Amen.