Matt Damon-i 5 buba Bourne film nung shilem agitsü

Los Angeles, September 03 (Agencies): Hollywood actor mongin, Matt Damon-i 5 buba Bourne film nung Jason Bourne ama tongti shilem agitsü renemba osang ka Variety.com-i metetdaktsüogo.

Taoba mapang yangluba Bourne Supremacy aser Bourne Ultimatum film direct asüsang, Paul Greengrass-i tan yanglutsü renemba tesüsaba Bourne film-a maneni direct asütsü renema lir ta osangi ashi.

Greengrass-i Christopher Rouse den külemi lungjemer iba film nung amshitsü otsürena zülua renemtsü tenzükba osang jangjaogo.

Julie Stiles-ia maneni Bourne medemer ama shilem agitsü renemba den külemi, France nunger actor, Vincent Cassel-i Bourne tepsettsü arishir ama tongti shilem agitsü renemogo ta osangisa ashi.

Kasa film nung Tommy Lee Jones aser Alicia Vikander nata anioksemba osang jangjaogo saka tenati kechi shilem agitsü iba osangbo mejangjateti lir.

Tawa Child 44 film nung tongti shilem agisang, Cassel-i taoba mapang Black Swan, Ocean’s Twelve, Ocean’s Thirteen aser The Apartment film nunger nung shilem agia lir.

Cassel-i tesüsüa shilem agiba Partisan film US nung taruba October ita 2 nü sayatsü sentong renema lir.

5 buba Bourne film ya taruba 2016 küm July ita 29 nü sayatsü alizüng yua lir.