Matt Damon sangkümbo film nung shilem magitsü

Los Angeles, August 01, 2016 : Tang “Jason Bourne” film ajungketba sentong nung mazüngi alisang, actor Matt Damon sangkümbo film nung shilem agiba khen anena atatsü sentong lir.
Pai küm ka anisüngzüka kazüner, ta aceshowbiz.com osang ajanga metetdaktsü.
“Ni mapang ka nung film aika nung shilem agiogo. Khen danga maneni film pezü tashi nung shilem agiba sülen ano ka nung shilem agitsü anendaka lir, ta Damon-i ‘Today’ sentong nung ashi.
Ni film nung shilem agitsü mechi nung ozü kibong alima ajaklen animesüngzüki anir jajaogo, ta tanur pezü tebu, Damon-i ashi.
“Ozü tanurtem ya jangratemtsüka lir. Parnoki aienlen kanga jajaner. Oda taküm atema mapa tatemleni aruba atema ni kanga pelar. Sangkümbo kibong den mapang peria intoktsü atema khen anisüngzüka amungtsü tebilemba lir,” ta pai ashi.
“Jason Bourne” film ya pai tang tesüsa shilem agiba film lir aser box office nung takok angutsü imlar. Iba sülen ano pai shilem agiba film “The Great Wall” sayatsü.
Paisa shilem agiba film “Downsizing” bo ano tangang production nung lir.