May 10 nü anempongba nung aibelener nisung asem liasü

Dimapur, Monupii/May 11 (TYO): State Emergency Operation Centre Control Room on COVID-19, Government of Nagaland, Home Department ajanga May 10, 2020 nü state tesem ajungalen temzüng ozüng indang osang metetdaktsü. Principal Secretary Home, Abhijit Sinha-i ashiba agi, anempongba aser curfew totuyuba nung nisung asemi aibelena liasü.
Mokokchung, Longleng aser Wokha dak alaka state nung aliba district ajak nung jang-o-tzü, aonsotsü, mamatzü aser mozü ayokba dokangtem ajak lapoka liasü. Electricity, telecom aser medical amala nüngdakba maparen inyaktsütem aser manufacturing unit aser nüngdakba osettsüset aser e-commerce lemtsüba garitem senzüsempongba nung tenokdangba magütsü.
COVID-19 tashidak wara mechi tenokdangba balala agüja aliba ajanga kongshia aliba bendanglen nungi arua mapa inyakertem nem chiyongtsü aser anisüngzüktsü ki agütsü. Relief camp pezü nung migrant labourer 61 lir aser chiyongtsü agütsüba camp pezü nungi anogoshi aayanger aser teyari nüngdaka alirtem nem chiyongtsü aser dry ration agütsü, ta sangdong ajanga ashi.