May 16 nü Kanubari by election nung candidate 3-i tokteptsü

Itanagar, April 29 (Agencies): Arunachal Pradesh, Longding district kübok Kanubari constituency nung by election nung Independent candidate ka densema candidate asemi tenüng agütsüogo.
Tenüng agütsüba tatembangbuba anogo nung tanü candidate asempronglai tenüng agütsüogo, ta Deputy Chief Electoral officer, D J Bhattacharjee-i metetdaktsü.
Tang temendak MLA, Gabriel Denwang Wangsu-i Peoples’ Party of Arunachal (PPA) nung tenüng agütsü, Jyae Wangsu-i  Congress ticket nungi tenüng agütsü aser Wangrang Wangjen-i Independent candidate ama tenüng agütsüogo, ta Bhattacharjee-isa ashi.
April 19 nü Election Commission (EC)-i Kanubari constituency densema tanga state tem nung by election agitsü osang sangdonga liasü.
Tenüng agüja alibatemji April 30 nü reprangshitsü aser tenüng agientsü atema tatembangbuba anogoji May 2 nü lir aser May 19 nü vote azüngtsü.
MLA, Gabriel Denang Wangsu-i menden nungi anenba sülen Kanubari menden ya tazüng akum.