May 17 nü KPC election agitsü

Kohima, May 15 (TYO): 2019-22 kümsük atema Kohima Press Club (KPC) Executive Council election May 17, 2019 anepdang 10.30 ako nungi NSF Conference Hall, Kohima nung agitsü, ta Bodhbarnü Chief Election Commissioner, Oken Jeet Sandham aser Election Commisioners- Mhalezolie Kire aser H.K. Chishi nungeri sangdong ka nung metetdaktsü.
Executive Council election ji item posts atema agitsü: President, Vice President, General Secretary, Joint Secretary aser Treasurer.
Election anogo nung nominations ji 11:00-11.30 ako tashi nung agitsü, 11.30-11.45 ako tashi nung nominations reprangshitsü, 11.45-12 ako tashi nung candidates-i tenüng agientsü akok aser 12.15 nungi 1:00 ako tashi nung secret ballot ajanga vote agütsütsü.
KPC nung tesüiba küm asem dak tema register süa aliba züngsem ajaki Executive Council kübok post mashie atema tokteptsü akok aser züngsem ajaki vote agütsütsü akok.
Item post kar nung vote kasa süra Election Commission-i vote agütsütsü temeden lir. Iba dak sendakba nung Election Commission-i züngsem ajak dang election junga agitettsü atema KPC züngsem ajak medema arur vote agütsütsü mepishir, ta kasa sangdong ajanga metetdaktsü.