May 18 nü NFHRCC senden ayonger

Dimapur, May 15 (TYO): May 18, 2019 nü NFHRCC base Office, Kher Mahal, Dimapur nung anepdang 9:00 ako nungi NFHRCC züngsemtem senden amentsü, ta tanü NFHRCC Convenor, Supu Jamir aser General Secretary, W. Lemba Chang nati sangdong ka ajanga metetdaktsü.
Iba senden nung committee-i inyaka aruba mapatem reprangshitsü aser tim ketdangsertem den senden amentsü aliba atema o lemteptsü, anungji tribal representatives ajak dang iba senden nung medema adentsü mepishia metetdaktsür, ta kasa sangdong nung shia lir.