May 18 nung senden ayongba NCD-i memetet

Dimapur, Monupii/May 17 (TYO): IMC Hall, Dimapur anasa ASTD office nung May 18, 2020 nikongdang 2:00 ako nungi kin 19 lokti tentet nungi tir ajunga senden ka jatepba osang ngua Naga Council Dimapur (NCD) süngmanger.
Tang ama tensa (COVID-19 lockdown) mapang iba amala ‘joint meeting’ indang NCD-i memetet aser mayongzük.
Tang jatepa aliba senden ya NCD-i tashi magütsü aser iba ama pei sasa senden ayongertem dang nüburtem mashileni manitsü ajungshir. Kasa mapang Naga nunger tsüngda mangatettep madoktsü aser mümangmangteptsü mechi mejangjaba osangtem mamshitsü asoshi media house tem dang mepishir, ta Naga Council Dimapur tir T. Bangerloba, tongti zülur Thsapongkyu Sangtam, Jt. Secretary Rangau Zeliang, Vice President (Adms.)
K. Khokheto Chophy, Treasurer Chingden Konyak nungertemi sangdong ka ajanga metetdaktsü.