Dimapur, May 20 (TYO) : Central Council of Research in Yoga and Naturopathy, Ministry of AYUSH, Government of India-i ashiba nung ajemdaker May 20 nungi June 20, 2016 tashi ‘Free Yoga Training’ ayongzüker, ta National Training Commissioner cum Regional and Nagaland State Secretary, Hindustan Scouts & Guides, Gnana Nirmala-i metetdaktsü.
Yoga training ji anepdang 5.30 ako nungi 6.30 ako tashi Holy Cross Higher Secondary School, Dimapur nung, anepdang 4:30 ako nungi 5:30 ako nung Eastern Publication anasa aser Jain Bhavan nung nikongtsütsü 5.30 ako nungi 6.30 ako tashi alitsü, ta Gnana Nirmala-i sangdong ka nung metetdaktsü.
Arishi küm 5 nungi temapurtem ajak iba training nung adentsü akok aser tanurtem atema süoshiji T-Shirts aser Tracksuits asütsü. Taintemi sadoksadoka Yoga aitsüsa süoshi asemtsüla aser ajaki bedsheets mesüra mats bener arutsü mepishir, ta laisa shisem.
Yoga training agütsütsüpurtemji Dev Sanskriti Vishwavidyalaya, Haridwar, Uttarakhand ajanga Training Faculties-i agütsütsü.
You must be logged in to post a comment Login