New Delhi, May 20 (Agencies) : LG Electronics India Limited-i, May 21 nü nungi tenzüka G5 smartphone jelia mangatettsü, ta Hokolbarnü metetdaktsüogo. Company-i ashiba agi iba phone ya alima nung mezüngbuba modular smartphone lir.
LG G5 smartphone tem ya May 21 nung May 30 tashi nung mobile ayokba tesemtem, LG brand dokan tem aser online nung Flipkart ajanga mangatettsü.
Iba smartphone jelia mangar ajak “LG Cam Plus” kaka angadi agütsütsü.
“G5 ya tang tashi nung onoki kodang meyangludangba smartphone ka lir aser tamshirtem ajak iba smartphone yagi kanga ajangzüktsü,” ta LG India mobile shishilemba nung tekolakba, Amit Gujral-i sangdong ka ajanga metetdaktsü.
LG G5 nung Qualcomm Snapdragon 820 processor keta lir.
Snapdragon 820 processor nung X12 LTE modem dena lir aser ibaji ajanga download speed 600 Mbps tashi kara kümdaktsür.
May 21 nü nungi LG G5 smartphone jelia mangatettsü added by asungba on
View all posts by asungba →
You must be logged in to post a comment Login