May 23 atema security akangakanga renema lir: Nagaland CEO

Dimapur, May 21 (TYO): May 23, 2019 nü Nagaland nung Lok Sabha election aser 26-Aonglenden Assembly by-election indang votes azüngtsü atema security maparen shitak renema lir.
Tesem ajak nung Superintendent of Police (SP) temi security maparen shitak renema lir aser vote azüngba anogo ‘three tiered security’ alitsü, ta Chief Electoral Officer (CEO) Nagaland Abhijit Sinha-i tanü nikongtsütsü osangbener dang ashi.
Mezüng aser tanabuba security ji District Executive Force, State Police aser Indian Reserve Battalion personnel-i reprangtsü aser tasembuba security ji Central Armed Police Force personnel-i reprangtsü, ta paisa ashi.
Strong Rooms nungi Counting Halls-i EVMs bener aotsüba lenmang balaka yangluogo aser ibaji CCTV ajanga reprangtsü, ta Abhijit-isa shisem.
Lok Sabha elections atema centre 12 kübok hall 19 nung anepang 8:00 ako nungi votes azüngtsü aser Mokokchung district nung by-election indang votes ji hall ka nung azüngtsü, ta paisa metetdaktsü.
Election Commission-i Parliamentary Election atema counting observers 20 aser By-Election atema counting observer ka lemzükja lir, ta CEO-isa ashi.
Assembly Segment ka nung EVM control units ajak indang votes züngtemba sülen, iba Assembly Segment nungi polling station pungu mashii shimtetba sülen VVPAT paper slips jangjateptsü, ta paisa metetdaktsü.
Assembly Segment ka nung polling station 5 ji candidate mesüra parnok indang agents aser Observers lia Assistant returning Officer-i shimtsü, ta Abhijit-isa ashi.
Nagaland CEO-isa ashiba agi votes azüngbaji Election Commission indang website nung live sayutsü.
Website ji https://results.eci.gov.in lir aser maneni Google Play Store nungi Voter Helpline Mobile App download sür reprangtsü akok.
May 23 atema Counting Halls telemsa:
Dimapur district- DC Office nung table 13 nung constituency 5.
Peren district- Old DC Office, Peren Town nung table 8 nung A/Cs ana.
Kohima district –DC Office nung table 10 nung A/Cs 7.
Pughboto election district-i DBs Court nung table 6.
Phek district –New DC office nung table 14 nung A/Cs 5.
Mokokchung district –Town Hall, Mokokchung nung table 14 nung A/Cs 10.
Zunheboto district –Town Hall, Zunheboto nung table 14 nung A/Cs 6.
Wokha district –Tiyi Hall Tsumang Colony nung table 14 nung A/Cs 4.
Mon district – DC Office Complex nung table 10 nung A/Cs 9.
Longleng district –DC Office nung table 8 nung A/Cs 2.
Tuensang district –CKS Hall nung table 14 nung A/Cs 7.
Kiphire district –DC Office nung table 8 nung AC 2.
Electronically Transmitted Postal Ballot System atema Counting Centre ji Commissioner Nagaland Office nung table 7 nung azüngtsü.
26-Aonglenden A/C by-election indang votes ji Town Hall Mokokchung nung azüngtsü.