May 3, 2016 nü HSLC & HSSLC results adoktsü

Dimapur, April 27 (TYO) : Nagaland Board of School Education (NBSE), Kohima ajanga HSLC & HSSLC Examinations 2016 agiba osang May 3, 2016 nü metetdaktsütsü, ta NBSE Chairman, Asano Sekhose-i tanü sangdong ka nung metetdaktsü.
Tatidang indang results ji www.nbsenagaland.com, www.indiaresults.com, www.exam results.net, www.exametc.com, aser www.schools9.com website tem nung angutsü. Ano, SMS/IVRS ajanga metettsü akok aser iba service indang osang tejangjaba tarutsü anogotem nung metetdaktsütsü, ta NBSE Chairman-isa ashi.
HSSLC Examination 2016 nung takok angurtem indang rank & division ji subject 5 (pungu) nungi lemtettsü. Stream shia Scheme of Studies nung aliba compulsory subjects nung takok anguba den külemi iba ya asadangtsü.
HSLC Examination 2016 nung subject 3(asem) mesüra tajemba nung tamakok angurtem asoshi NBSE-i Compartmental Examination agitsü aser iba tatidang nung takok angurtemi taküm kümsa higher secondary azüngtsü akok, ta sangdong nungsa shia lir.
Reju nung tekolakpurtemi May 7, 2016 anogo matongdang pei pei school indang Marksheets/Certificates agizüktsü metetdaktsüogo.

You must be logged in to post a comment Login