May Kom-i Olympics nunag shilem agitsü temeten monguteter

Kom_2432893fAstana, May 21 (Agencies): India’er tetsür tsüngteptsü mongin, MC Mary Kom-i tang tasayadak AIBA Women’s World Boxing Championships nung tanü, Honibar nü tamakok ngua taküm August ita 5 nü nungi tenzüka asayatsü ayongba Rio Olympics nung shilem agitsü temeten mongutettsüsa jenjang tamajung ajuruogo.
Germany tsür, Azize Nimani-i points 2-0 agi 2 buba round asaya akokba ajanga 2012 London Olympics nung India asoshi bronze medal agizüktsüla, Kom-i ayuba pungmang samatsüsa aküm.
Tan asayamong semifinal asayatsü jenjang ajangzük nung dang Kom-i Olympics nung shilem agitsü temeten angutsü liasü.
Kom madak takok angula, Nimani-i Hungary tsür, Katalin Ancsin tsükdaktsür, Italy tsür, Davide Marzia den taruba round asayatsü lemzükogo.
Ano külen, külem sensotsür, Laishram Sarita Devi-ia tanü tamakok ngua, laia Olympics nung shilem magitettsüa akümba osang jangjaogo.
Asian Games 2014 bronze medallist, Sarita-i tanü points 0-3 ngua Mexico tsür, Victoria Torres nem par 2 buba round asaya kokdakja tanü tamakok ajuru.

You must be logged in to post a comment Login